热爆网络嘅 月球灯 ，原来唔止台湾有，香港本地亦有製作，仲係工作坊形式，可以 DIY一个属于自己嘅 月球灯！一尝将月亮捧喺手心嘅感觉！
今次嘅 月球灯 係用硅胶模以及ABS树脂胶製作，虽然製作过程唔难，但係由造模到上色，都需时4-7小时不等。听到呢个时间，不禁流咗两滴汗，製作时间实在係有d长，记者整到后期都有少少呆。
月球灯 嘅模具由导师一早预备好，去到只需要落胶水倒模就得。不过都唔好睇小呢个工序，因为模具相当重，而且要分十次去倒模，每次都要拎住模具摇一分钟，少d臂力都唔得！
完成倒模之后，就要等大约半个钟，等乾嘅时候，导师会教大家製作小型硅胶模具，可以为 月球灯 加上小小点缀。
不过记者试整嘅时候，同场嘅4位学员，有两位嘅成品都唔太成功，成品唔够圆又或者乾唔到。咁係因为倒模嘅时候胶水份量落得唔啱，又或者係摇嘅时候摇得唔均匀，咁样就会整唔到一个靓嘅圆形㗎喇。计落，其实失败率都有d高，所以学员们真係唔好睇少倒模呢个步骤！如果唔係，就会白白浪费咗几个钟。
乾透之后就可以进行打磨，然后上一层保护光油， 月球灯 就完成喇！
今次试整嘅 月球灯 ，着咗灯之后真係好靓，完全俘虏咗记者嘅少女心，可以将月亮捧喺手心嘅感觉实在太sweet喇！不过咁，由于始终係初学者手製，整出嚟会有唔少瑕疵，有机会因为太薄而有破洞，又有机会因为太厚所以睇落一挞挞好似月蚀咁，不过呢个就正正係手作嘅特别之处，一日未整完，一日都唔知製成品係咩样，随时有惊喜！
I.R Industrial Revolutionary月球灯工作坊
地址：观塘鸿图道76号联运工业大厦5A室
电话：3153 2870
Facebook：I.R Industrial Revolutionary
价格：$480
由台湾橡果艺术工作室设计嘅 月球灯 始祖LUNA，十月初会喺香港全新网上生活平台 “unun” 独家开放预购，终于唔洗捱贵运费喇！由台湾订返嚟，计埋运费，最细嘅XXS都要$90美金，即成七百蚊港币，而家只係$580就可以喺香港买到喇！
同香港嘅唔同，LUNA係用玻璃纤维製成，製作时间长好多，绝对唔係几粒钟可以完成嘅事。
LUNA 一共有七种尺寸，分别係XXS (8cm)、 XS (15cm)、 S (20cm)、 M (30cm)、L (40cm)、XL (50cm)、XXL (60cm)，售价由$580起。(括号内为直径)
网址